ANG Philippine Drug Enforcement Agency (PDEA) kanunay naniid sa mga establisemento nga posibleng gihimong shabu laboratory dinhi sa Region 11.

"Palagi kaming nag-conduct ng surveillance operation sa mga establishments na pinaghihinalaang ginagamit na shabu laboratory, base sa mga reports na natanggap namin," ni PDEA 11 Director Roybel Sanchez sa SuperBalita.

Ang pamahayag ni Sanchez miguwa human nila gironda ang Bating Things Enterprises sa alas 7:30 sa buntag niadtong Sabado didto sa Calinan, siyudad sa Davao.

Si Sanchez nagbutyag nga ilang gironda ang maong patigayon human nila nadawat ang reklamo sa komunidad nga dunay mga langyaw nga sulod-guwa sa maong patigayon.

"We applied for search warrant after we conducted surveillance operation based on the complaints we receive from the community," ni Sanchez.

Si Sanchez midugang nga base sa ilang pagpaniid, duna silay nakita nga mga timailhan nga basin gihimong laboratory ang maong patigayon.

"May nakita kaming mga indicators like tumaas ang kanilang consumption ng electricity at may mabahong amoy dahil sa chemicals kaya nironda namin," pahayag ni Sanchez kinsa midugang nga "may Chinese looking personalities din kaming nakita na labas pasok sa establishment."

Dihang gihiling sa mga ahente sa PDEA ang maong patigayon, wa silay nakuhang ebidensiya nga gigamit kini isip laboratory.

"Kahit na negative ang result pero at least masasabi ng nga businessmen na kahit ganung mga indicators ay nasisilip ng PDEA," suma ni Sanchez.

Sa bahin sa tagdumala sa maong patigayon, dunay mga tawo nga nasena kanila mao nga nagpataka lamang og report ngadto sa PDEA.

"Nag-coordinate kami ngayon sa Bureau of Immigration (BoI) para ma-check naming ang identities ng mga foreigners na pumapasok sa nasabing establishments," panapos ni Sanchez. (AD)