GIPASANGINLANG mastermind sa duha ka mga kaso sa pagpatay sa dakbayan sa Carcar nag-tingkagol na sa Cebu City Jail sugod kagahapon human iyang gibakwi ang gipangayo niyang waiver of detention sa Cebu City Prosecutor’s Office dihang gipasakahan siyag mga kaso niadtong milabayng semana.

Pormal nang girekomendar sa piskaliya sa dakbayan sa Sugbo kagahapon ang pagpasakag sa mga kasong kalapasan sa Comprehensive Dangerous Drugs Act ug Illegal Possession of Firearms and Ammunition nga nalatid sa Republic Act (RA) 8294 batok kang Jay Camotes.

Updates on President Benigno Aquino III's presidency

Si Camotes magpabiling magtingkagol sa bilangguan samtang husayon ning iyang duha ka mga kaso sa korte kay di mahimo siyang makapiyansa sa giatubang niyang kaso kabahin sa paghupot niyag gidiling drugas.

Hinuon, nirekomendar ang piskaliya nga makapiyansa siya sa kantidad nga P80,000 sa giatubang niyang kaso sa paghupot og way lisensya nga armas.

Nalatid sa kasong gipasaka batok kang Camotes nga naimbarguhan siyag 6.40 gramos sa shabu ug nasuta pinaagi sa laboratory examination nga positibo kini sa “methamphetamine hydrochloride” nga gitawag nga “dangerous drugs.”

Niadtong Hulyo 22, gisikop si Camotes pinaagi sa warrant of arrest nga gipakanaog ni Carcar City Municipal Trial Court Judge Grace Ypil nunot sa resistance and disobedience to an agent of person of authority human gikombikto siya sa korte ning kasoha.

Ang suspek nasigpatan sa kapulisan sud sa hospital busa ilang gisundan uban sa iyang uyab nga si Faisa Dhahi ug higalang si Neil Saquibal.

Dihang nigawas kini sa hospital kalit gilayon kini nilang gisikop.

Dihang gipahigayon ni Diola ang pag-search sa suspek, ilang naimbargo ang .9mm nga pistola uban sa mga bala ug dakong pakete sa shabu. (JECT)