MAKADAWAT og dugang P13 sa basic salary karong bulan sa Oktubre ang mga private worker sa Nothern Mindanao.

Gawas sa maong usbaw, ang Regional Tripartite Wages and Productivity Board (RTWPB)-Northern Mindanao nirekomenda usab ngadto sa buhatan sa National Wages Productivity Commission (NWPC) sa Manila pag-integrate sa P12 nga cost of living allowance (COLA) ngadto sa basic salary.

Sa kasamtangan, ang mga non-agricultural private worker sa Northern Mindanao nagdawat og minimum pay nga P244 per day plus P12 nga Cola.

Sa bag-o nga wage order, ang Cola i-integrate na ngadto sa basic salary plus P13 nga usbaw matag adlaw, diin mahimo na ang basic salary sa mga non-agricultural worker ngadto sa P269 per day.

Si Odette Leh, ang RTWPB-Northern Mindanao information officer, niingon nga ang pagdugang sa Cola ug ang dugay usbaw anaa sa Wage Order 15 diin ang Board nikab-ot niini human sunod-sunod nga konsultasyon ug public hearing nga gipahigayon uban sa mga miyembro sa mga labor group, employers ug government representatives.

Sumala sa rekomendasyon, matud ni Leh nga human sa 15 ka adlaw nga publication sa newspaper, moepekto kini karong Oktubre 1, 2010.

"The integration explains that the P12 Cola of every worker will now be added to the basic salary. This is an advantage to the worker because the benefits he or she receives are computed based on the actual minimum pay such as overtime pay, 13th month and compulsory contributions with Pag-Ibig, PhilHealth and Social Security System," Leh said. (Loui S. Maliza/Sun.Star Cagayan de Oro)