Taxi driver nag-masturbate atubangan sa pasahero

GIKATAKDANG pasakaan og kaso ang usa ka taxi-driver kinsa nag-masturbate atubangan sa iyang pasahero human giingong boluntaryong mitahan sa kapolisan niadtong Martes mga alas 2:00 sa hapon sa buhatan sa City Intelligence and Detective Unit (Cidu).

Imbes unta nga klaruhon ni Jonathan Balaba Abarabar, 29, ulitawo, taga Tibasak, Macasandig ning siyudad ang iyang pangalan ngadto sa kapolisan human gitumbok nga suspetsado pagpatay sa usa ka babaye didto sa Kauswagan pipila na ka adlaw ang nilabay, napriso kini human usa ka dalaga nga tinun-an sa Xavier University nga mao si Phoebe Lagarda Yañez, 18, dalaga taga Cugman ning siyudad ang nitumbok niini nga nagbinastos kaniya samtang siya sakay sa gimanehong taxi niini niadtong Hulyo 22.

Si PO1 Janice Alcontin sa Cidu nga nahinabi sa Sun.Star SuperBalita niingon nga mitaho sa ilang buhatan si Abarabar tungod kay dili makadawat sa pasangil nga pagpatay kang Liezl Baranda-Balan.

Si Balan ang giingong ulahing misakay sa gimanehong taxi ni Abarabar sa wala pa napalging patay.

Samtang si Yañez mireklamo batok kang Abarabar human gisaysay nga nagsakay siya og taxi niadtong tungora aron magpahatod sa tunghaan apan dihang moplite na sa iyang pamasahe ang biktima kalit lang gipagawas ni Abarabar ang iyang kinatawo atubangan kaniya ug nag-masturbate.

Nagkatawa daw nga misibat ang driver human niini ug dali sab nga milakaw ang biktima apan gibati kini kalagot ingon man kahadlok.

Imbes unta ipauli si Abarabar human sa imbestigasyon may kalambigitan sa pagpatay kang Balan deretso kining gibalhog sa prisuhan ug gikatakdang pasakaan og kasong unjust vexation.

Gani gipanawagan sa CIDU ang mga babaye nga nabiktima niini nga bisitahon sa Maharlika Detention Cell aron dugang kaso ang mapasaka niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph