ANG sala ni Regional Trial Court (RTC) Branch 58 Judge Gabriel Ingles maoy mohusay sa kasong pagpusil patay sa negusyante nga si Manuel Ting niadtong milabayng buwan.
Si Ingles wa pa motakda kon kanus-a sugdan ang paghusay sa kasong giatubang sa suspek nga si Ruel Velez.
Gikataho nga ang huwes nag-paternity leave ning higayona busa wa pay kamanduan alang sa pormal nang pagsugod sa husay sa kaso.
Nasayran, nga ang Cebu City Prosecutor’s Office nakakita og bug-at nga ebidensya nga taralon gyod sa hukmanan si Velez kay gitudlo sa mga testigo nga maoy nibanhig sa negusyante niadtong Hunyo 22 sa gabii nga niresulta sa iyang kamatayon. (JECT)