GIKONSIDERAR nga gi-discriminate na gyud sa administrasyon sa dakbayan sa Talisay tungod kay gawas nga wa hatagi og mga komitiba sa konseho, way quota aron makapatrabaho sa iyang mga supporter, hangtod karon ang iyang opisina ray way linya sa telepuno.

Ang office staff ni Ylanan nga nihangyong di mopaila nagkanayon nga maglisod sila sa pagtubag sa panginahanglan sa katawhan sanglit wa gyud silay communication line sa ilang buhatan.

Updates on President Benigno Aquino III's presidency

“Angayan nga buhaton ni Konsehal Val mao ang pagsumbong sa Visayas Ombudsman tungod kay di na man na fair ang gibuhat sa administration niya. Magpadala ko og suwat sa Ombudsman regarding ani,” nagkanayon ang usa sa mga tigpaluyo sa konsehal.

Si Ylanan maoy nipuli sa paghupot sa buhatan ni kanhi Konsehal Arturo Bas nga karon maoy gitudlo nga bag-ong Public Information Officer (PIO).(VLM)