WA NA gyuy paglaum pa nga makita og balik sa programang Wowowee ang kontrobersiyal nga host nga si Willie Revilla, kini human naka-desisyon ang ABS-CBN nga hulipan ang programa og bag-ong noontime show.

Sa official statement sa Dos, giyagyag didto nga pormal ng tangtangon ang Wowowee, hulipan kini og bag-ong game show, diin star dinhi ang Queen of Talk Kris Aquino.

Ang bag-ong game show nga may titulong "Pilipinas For the Win" magsugod karong July 31.

Luyo kang Kris, join sab sa programa sila Robin Padilla ug "Wowowee" female hosts nga sila Pokwang, Valerie Concepcion ug Mariel Rodriguez.

"It is a game and variety show that will surely bring joy, energy and hope to Filipinos all over the world," ni Bong Osorio, head sa ABS-CBN Corporate Communications.

"Pilipinas For The Win' will be managed by director Johnny Manahan, creative director Bobot Mortiz, business unit head Jay Montelibano, and executive producers Phoebe Anievas and Rancy Recato. It will be aired after 'Showtime," dugang niya.

Ni Bong nga gipahibawo na sab nila ang kampo ni Willie labot sa changes nga mahitabo sa iyang show.

Gikupirma sab niini nga hatagan og bag-ong show si Willie.

"Pilipinas For The Win' will replace 'Wowowee.' Willie Revillame, through his manager, was already informed about this new development. He was also notified about the new program being planned for him and this will be announced in due time," niya.

Last May pa naka-indefinite leave si Willie human niini gihagit sa ere ang management sa Dos nga mo-resign siya kun di niini tangtangon si Jobert Sucladito nga usa sab ka Kapamilya.

Sumala pa nga gisaway ni Jobert ang mga contestants sa show ni Willie, butang nga gilimod ni Jobert.

Una ng migula ang tsismis nga mobalik na si Willie sa Wowowee karong Hulyo 31, apan way mihatag og tukmang detalye labot niini.

Kris moeksena na

Karong Biyernes moabot sa nasud si Kris aron mangandam sa bag-ong show nga gihatag kaniya.

Sa iyang text message, say ni Kris nga excited na sab siyang mobalik sa trabaho.

"I'm happy to be part of the new noontime show, and to work with Robin, Pokwang, Mariel and the whole production team. I'm excited to be back on television," say sa Queen of Talk.

Si Pokwang nga gipangayuan og reaksiyon, nakahilak sa kalipay tungod wa niya damha nga maapil siya sa bag-ong show.

Bisan ang talent manager ni Valerie nga si Becky Aguila nakurat sa balita.

"This is a big surprise for us. We thank ABS-CBN management for the wonderful blessing," ni Becky.

Samtang si Robin nga nahimong guest host sa 'Wowowee' kaniadto sud sa duha ka semana, sobra ka thankful sa bag-ong show nga gihatag kaniya sa ABS-CBN.

"Masayang masaya ako pero hindi hamon yon sa akin kundi pagsilbi sa tao. Wala akong hangad kundi mapaligaya ang mga kababayan ko sa lahat ng sulok ng daigdig," pahayag ni Binoe.