USA ka mag-uuma ang gipusil patay sa mga sakop sa New People's Army (NPA) alas 5:00 sa hapon niadtong Miyerkules didto sa Sitio Manggahan, Barangay Kraan, Palimbang, Sultan Kudarat Province.
Ang biktima nailhan nga si Ronnie Taranza, 29, minyo ug molupyo sa maong dapit.
Nasuta sa pagsusi sa kapulisan sa Palimbang nga naghikay og pamahaw ang biktima sulod sa iyang bay sa diha nga kalit mibutho ang mga rebelde ug gipusil siya gamit ang M1 garand rifle.
Patay gilayon si Taranza nga naigo sa iyang walang dughan nga milapos sa iyang likod hinungdan sa iyang kamatayon. Dali sab nga misibat ang mga armado paingon sa wa matino nga dapit.
Gipahayag ni Elvira, nga una gipatay ang iyang bana, iya kining nadunggan nga nagplano nga mosulod isip sakop sa Citizen Armed Forces Geographical Unit (Cafgu).
Dugay na nga gibaharan ang biktima sa mga rebelde nga ihawon kon magsige og kuyog sa mga sundalo sa ilang operasyon.
Ang kapulisan padayong naniid sa tinuod nga hinungdan sa pagpatay sa mag-uuma. (Edgardo Fuerzas)