TULO ka mga managlahing kaso sa pagpangluba ang natigayon diin mga biktima pulos anaa sa kritikal nga kahimtang.

Unang biktima mao si Jonathan Bello, 32, ulitawo, taga Parola, Macabalan ning siyudad sa Cagayan de Oro ang giluba niadtong Miyerkules sa hapon.

Gikan nag-inom ang biktima dihang kalit lang nga giluba sa kainom niini.

Samaran ang dughan sa biktima ug giapil pa ang tiyan niini hinungdan sa pagkayagyag sa tina-i.

Gidala pagdali si Bello sa Northern Mindanao Medical Center (NMMC) kinsa talndugon ang kahimtang.

Laing biktima mao si Alvin Bonane, 39, minyo, taga Gusa ning siyudad. Giluba ang biktima niadtong Miyerkules mga alas 9:30 sa gabii sa Agusan nga bahin ning

siyudad.

Nasayran nga si Bonane usa ka driver sa dyip ug gikan na nga nagrahe niadtong tungora dihang nag-atang og masakyan kalit lang giduolan sa duha ka wala mailang

lalaki ug deretsong giluba gamit ang icepick. Samaran ang dughan ug ilok sa biktima nga nilanding sa susamang tambalanan.

Nagrabehan usab pag-ayo si Oswald Salbane, 35, minyo, taga Zone-1, Bulua ning siyudad sa Cagayan de Oro human giluba ang tungod sa mata niini.

Giaparta sa biktima ang iyang mga higala nga naglalis apan siya ang kalit lang nga giluba hinungdan sa pagkaigo sa kild sa mata, abaga, likod ug tangkugo nga bahin. (Stephanie V. Berganio)