HUMAN nasakasihan kung giunsa paglubong ang iyang 5 anyos nga anak sa lawom nga bangag sa Barangay Iponan nakahukom ang inahan nga insakto na ang tanan ug ibulgar na lamang ang tinuod.
Una, maglisod si Madelyn Cardines sa pagpatabang tungod lamang sa kahadlok sa ilang lider sa kulto.
Apan nakapangayo kini og tabang sa gobiyernyo ug otoridad nga mahatagan og hustisya ang kamatayon sa iyang anak.
Ang rebelasyon sa inahan maoy hinungdan sa pagka-aresto sa usa ka polis ug kapuyo niini human ang Scene of the Crime Operatives (Soco) mikuha sa patayng lawas sa biktima nga gilubong niadtong Pebrero niaging tuig.
"The child's remains were then subjected for autopsy and it was found out that she indeed suffered bruises and contusions in the different parts of her body," matud Police Superintendent Reynante R. Reyes of the Regional Intelligence Division (RID).
Nasuta sa Sun.Star Cagayan de Oro nga si Madelyn Cardines, isip usa ka miyembro sa kulto ang gi-obliga nga i-remit ang iyang monthly salary sa ilang cult leader nga giilang si Senior Police Officer 3 Roger L. Gamon.
"Mao man ang sistema sa grupo sa leader padulong among kita unya ang kulto na ang mogahin sa among pamilya," matud ni Cardines kinsa nagtrabaho sa Cebu Royal Bakery sa Barangay Macabalan.
Apan dihang dili siya mohatag niini si Gamon ug iyang partner nga si Yvone E. Estenso, pulos residente sa Exekiel St., San Augustine Valley sa Barangay Carmen nagsugod sa pag-abuso sa iyang anak.
Sa hiniusang puwersa sa RID ug RSOG ug perosnahe sa Opol Municipal Police Station naaresto ang polis niadtong Martes sa hapon sa Barangay Carmen pinaagi sa arrest warrant nga giisyu sa Regional Trial Court Branch 22 Judge Richard Mordeno, sa kasong murder nga walay girekomendar nga piyansa.
Sa record sa korte nakita nga niadtong April 11, 2011, ang duha ka suspek nagkunsabo sa pagpangulata sa 5 anyos nga si Danlyn Grace Cardines, nga miresulta sa pagkaigo sa lain laing parte sa lawas ug maoy hinungdan sa kamatayon samtang anaa pa kini sa Scions Barangay Canitoan, Cagayan de Oro.
Nagtago tago pa ang mga suspek sulod niadtong tuiga hangtod sa pagkasikop kagahapon.
Detinado karon sa Maharlika Detention Cell ang mga suspek. (Annabelle L. Ricalde ug Joey P. Nacalaban)