NALABNOT sa Team Mandaue ang ilang ikaduhang kadaugan sanagpadayon nga 3rd Emil’s CupOpen basketball championshipspinaagi sa pagpukan saCooles, 89-85,sa duwa nga gipahigayon sa Minglanilla Sports Complex.

Ang Mandauehanons nga nabiyaan og 10 puntos sa ikatulong quarter mipahimulos sa pagwagtang ni Arvie Cabanero sa Cooles kinsa na-fouled out sa may siete minutos pa nga nahabilin sa fourth quarter.

Updates on President Benigno Aquino III's presidency

Si Villaber nangulo sa Team Mandaue nga may 20 puntos, samtang sila si Alano Caputolan ugLatonio nakatampo og 18 ug 17 puntos.

Sa kapildihan, ang Cooles nahagsa ngadto sa 0-2 nga baraha.

Sa unang duwa, gileksiyon sa beteranong UV Ex-lancers ang Southwestern University Cobras Team B, 82-70.

Nakakumbati pa man tuod ang Cobras sa sayong bahin sa panag-engkuwentro apan gilupig kini sa lahutay sa naghinapos nga bahin.

Karong gabii, ikasangka sa Ex-lancers ang Don Bosco sa unang duwa samtang ang magtakos usab ang Cooles ug Ave Maria sa main game.

Mga puntos: UV (82) - Dela Piza 15, Esperat 12, Elim 12, Canoy 10, Gonzales 9, C. Diputado 5, Benedicto 5, Dutelo 4, Mosqueda 2, Diputado 2, Wagwag 2, Amando 2. SWU (70) -Escober 15, Dedaque 15, Tilap 13, Casquejo 8, Munez 7, Arong 7, Nazareno 4, Alvarado 3, Refs.: T. Cabanada, E. Peley, J. Labalan. Team Mandaue (89) - Villaber 20, Caputolan 18, Latonio 17, Ursal 11, Berame 8, Espina 7, Garcia 4, Arnado 2, Cabahug 2.Cooles (85) - A. Cabanero 26, Labajo 17, Bardilla 15, Aninon 13, Aninon 6, Lapena 5, Cabanero 2.