NAKURAT ang aktor Robin Padilla sa mga hungihong nga bonggang-bongga nga P25 million a month ang iyang talent fee sa bag-ong show nga "Pilipinas Win na Win."

OMG! Unsaon kaha na paggasto.

Anyway, si Robin part sa maong nga gihulip sa Wowowee.

Uban niya dinhi ang Queen of Talk Kris Aquino, Pokwang, Mariel Rodriguez ug Valerie Concepcion.

Say ni Binoe, wala niya gidawat ang offer nga mahimong host sa show aron lamang mangwarta.

Pahayag sa aktor, gidawat niya ang project tungod buot niyang mapalipay ang mga tawo, malingaw sila.

"Hindi ko tinanggap ang project dahil sa pera. Kung ganoon, sa iba na lang mapunta dahil pigain ninyo man ako, walang ganyang usapan," hugot nga baruganan niini.

Kahinumduman nga makabungog sab nga P1 million per show o kapin P25 million a month ang madawat nga talent fee ni Willie Revillame dihang gihuptan pa niini ang Wowowee kaniadto.

Di na sab buot pang sakyan ni Robin ang mga intriga labot sa kalit nga pag-ere sa bag-ong show.

Say ni Robin, di na kinahanglan pa nga mananghid pa siya kang Willie sa mga kausaban nga gihimo sa show.

"Siguro sa pagpapaalam, wala na dahil hindi naman ako bisita na sa programang ito. Pero pinupugay ko po si Ka Willie at sakaling magkita kami bakit naman hindi kami mag-uusap?"

Sa pikas bahin, todo na sab sa iyang rehearsals si Robin alang sa iyang number sa programa nga makita na karong adlawa.

Giangkon sa aktor nga gikulbaan sab siya sa bag-ong challenge nga gihatag kaniya.

Sumala pa nga ang gamitong studio sa "Pilipinas, Win na Win" mao ang bag-ong gi renovate nga studio sa "Wowowee."

Misaad sab si Business Unit Head Jay Montelibano nga mas makalingaw, daghang surpresa ang masaksihan sa katawhan sa bag-ong show.