Mga duwa karon:
(Linao-Lipata Sports Complex)
7:00 pm. - USJ-R/Ave Maria vs. UC Alumni
8:30 pm. - Ave Maria vs. Aces.
MIPABUTO og tres si Geraga nga tukma sa pagkapupos sa oras aron ituboy ang Don Bosco sa makapakaging nga kadaugan, 80-79, batok sa Ex-UV Lancers sa nagpadayong nga 3rd Emil’s Cup Open basketball championship sa Lipata Sports Complex sa lungsod sa Minglanilla.
Daw diha na sa kamot sa Ex-Lancers ang kadaugan sa dihang naglabaw kini, 79-77, sa katapusang otso segundos sa duwa nga maoy nakapaaghat ni coach Don Bosco coach Rudy Enterina sa pagtawag og timeout.
Sa inbound play, si Geraga nga nakadawat og bola igo lang naka-dribble og kadiyot dayong itsa sa halayo nga bahin nga maoy nakapahugyaw sa nga nagpusisok nga misaksi.
Sa kadaugan, ang Don Bosco mitapos sa elimination nga may 3-1 nga baraha sa Group B samtang nahagsa ang Ex-Lancers sa 1-2 nga record.
Sa main game, gipukan sa Ave Maria Sunctuary ang wa pay daog nga Cooles, 107-93.
Don Bosco (80) – Geraga 23, Hernando 18, Aldave 14, Tirado 10, Sinco 6, Dela Rama 5, Castro 4. UV (79) – Dela Pisa 32, Diputado 18, Esperat 11, Canoy 10, Cabahug 4, Maningi 2. Refs: A. Rele, E. Aguelo, A. Balongoy.
Ave Maria (107) – Doy 16, Ocanada 14, Jaca 11, Omolon 10, Baribe 10, Paguya 8, Tangkay 8, Tagalog 8, Lavares 6, Aying 6, Luga 4, Colegado 4, Isidro 2, Cooles (93) – Cabanero 24, Cavan 23, R. Aninon 12, Gersua 12, Labajo 10, Pogoy 8, Cabanero 4. Refs: E. Catibod, P. Lalican, G. Baguio.