GIKUWESTIYON sa trainer ni Miguel Cotto nga si Emanuel Steward ang pagkapili ni Mexican Antonio Margarito isip kontra ni pound-for-pound champion Manny Pacquiao karong Nobiyembre 13 sa wa pa matino nga venue.

Mismong si Top Rank boss Bob Arum, promoter ni Pacquiao, ang nipili kang Margarito.

“The strongest move has been made by Top Rank to make the fight between Pacquiao and Margarito. So I guess that’s really the hot negotiation, but to me I’m just watching like a fan or a spectator…I think that’s going to be a very difficult fight to make,” matod ni Steward sa interbyu sa The Mushroom Mug.

Updates on President Benigno Aquino III's presidency

Alang kang Steward, dili maayo sa panan-aw sa mga sumosunod sa boksing nga gipili gihapon si Margarito ni Arum bisan nahilambigit kini sa pagpanikas diin gibutangan og kemikal nga pampagahi ang iyang handwrap.

“The reaction from the fans has been very bad. The man committed a crime and now he’s being rewarded with the biggest purse of his life,” asoy ni Steward, kinsa maoy nag-train sa boxing legends nga sila si Thomas Hearns, Evander Holyfield ug Julio Cesar Chavez.

Giangkon ni Steward nga ganahan gyud unta siyang mag-rematch sila si Pacquiao ug Cotto apan sama sa kadaghanan, mas gusto niyang mag-away sila si Pacquiao ug Floyd Mayweather Jr.