USA ka laborer, nga kanhi barangay tanod sa Ermita, gipusil patay sa miaging gabii sa may dan M. C. Briones sa Barangay Sto. Niño, Cebu City.

Si Joseph Padayon, 28, namatay sa mga samad pinusilan sa ulo ug nawong.

Tulo ka mga lalake ang ning-atake kang Padayon samtang ang biktima nagtulod sa iyang kariton nga gikargahan og mga utanon.

Updates on President Benigno Aquino III's presidency

Usa ka empty shell gikan sa .45 kalibreng pistola ug usa ka slug ang na-recover gikan sa crime scene. Ang lawas sa biktima gidala sa San Fernando Funeral Homes.

Si SPO4 Alex Dacua sa Homicide Section nisulti sa Sun.Star Cebu nga ilang gisusi ang mga taho nga si Padayon nabilanggo sa Cebu City Jail.

Matod ni Dacua nga gusto siyang masayod unsa nga krimen ang nalambigitan ni Padayon kay basin makatabang kini sa pagsulbad sa krimen.

Usa ka adlaw sa wa pa ang pagpangatake, si Dacua niingon, nga si Padayon gikatahong gikaaway sa usa ka lumolupyo sa Sityo Bato,Barangay Ermita.

Ang maok nga tawo ilang ipatawag isip kabahin sa imbestigasyon. (JTG sa Sun.Star)