NAUKAY ang mga lumolupyo sa Barangay Polpogan, lungsod sa Consolacion niadtong Biyernes sa gabii bahin sa taho nga dunay mass grave sa usa ka pribadong lugar sa lungsod apan, nasuta nga sayop ang taho.
Nasayran nga ang mga lokal nga opisyal ningbabag sa mga kawani sa Cosmopolitan Funeral Homes nga nakabasi sa dakbayan sa Sugbo nga buot molubong sa pito ka mga patay Polpogan Cemetery nga wa ma-claim sa ilang punerarya.
Si Sr. Supt. Erson Digal, direktor sa Cebu Provincial Police Office (CPPO), niawhag sa publiko nga di mabalaka sanglit dali niyang giparesponde sa iyang mga sakop sa Consolacion sa pagsusi sa taho.
Matud ni Digal nga ang mga opisyal didto sa nahisgutang lugar ug mga residenti ang ning-reklamo batok na sa mga kawani sa Cosmopolitan human naglubong sa pito ka mga patay nga way igong dokumento.
Gipadayag niini nga gipalubong sa taga Cosmopolitan ang maong mga patay nga kapin nga sa usa ka bulan nga walay mo-claim apan wa madayon sa paglubong human way permit nga gipakita.
Busa, wa madayon sa paglubong niadtong Biyernes sa alas 7:30 sa gabii ang pito ka mga patay ug gipabantayan kini sa mga Barangay Tanod.
Giklaro ni Digal nga angayan gyud unta nga dunay clearance sa mga lokal nga opisyal sa nahisgutang lugar ang Cosmopolitan sa ilang paglubong niini. (Guam P. Logroño)