Rhian gikasinahan?

HOW true ang mga tsika karon nga nagkagubot sumala pa ang pipila ka talents sa GMA-7 tungod may gikasinahan sila o gika-selosan.

Sitsit sa usa ka tsismosa, daghang talents sa Kapuso network ang nasina, may pipila pa mireklamo tungod sa special treatment nga ginahatag sa Artists Center sa Kapuso actress nga si Rhian Ramos.

Ngano? Kun atong subayon, si Rhian pag-umangkon sa head sa Artists Center nga si Yda Henares.

Say sa nagpa-ilang tsismosa nga daghang talents sa Siyete ang gisultihan nga sila ang modala sa papel ni Rhian sa bag-ong teleserye niya sa maong network.

Apan sa kalit lang, nausab ang tanan, didto na gihatag kang Rhian ang maong role.

Nagtuo sila nga posibleng tungod kini kay pag-umangkon ang aktres sa usa ka big boss sa maong network.

Tungod misemplang ang gipanukaran na una nila nga proyekto, daghang talents sa Siyete ang nangluod.

Litanya nila, angay sab nga hatagan og pagtagad ang ubang talents sa network nga deserving sab nga mahatagan og break, to think di lamang si Rhian ang artista nila.

Say pa nila daghan na kaayo og proyekto nga ginahatag kang Rhian, time na sab nga mahatagan og tsansa ang ubang artista nga mag-shine.

Hoping ang mga mireklamong artista nga matagad sila sa network, madungog ang ilang mga sentimento.

May punto sab sila huh!

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph