HUMAN malambigit ang iyang ngalan sa hunk actor Gerald Anderson, karon nag uros-uros na sab ang mga "hate campaigns" against Bea Alonzo.

Kahinumduman nga migula ang tsika nga nagbuwag na sila Gerald ug Kim Chiu, diin usa sa gilantaw nga rason mao ang pagka-link sa aktor kang Bea.

Karon wala pa kaayo naka-ugat ang mga tawong buot modaut ni Bea.

Say pa nga mga nagpakaaron-ingnon kini nga fans sa dalaga nga nagdramang mobiya kaniya tungod sa pagkalambigit niya kang Gerald.

Di na sab kini angay nga ikatingla, tungod dihang giplano sa ABS-CBN nga ipares ang Pop Princess Sarah Geronimo kang Gerald kaniadto alang sa usa ka projects, reaction paper kaayo ang mga loyalistang Kimerald fans.

Giayu-ayo nila sa pagbatikos ang Pop Princess, to the point nga naka-decide ang management nga di na lamang ihinayon ang ubanang project sa singer ug actor.

Una nga gipasanginlan nga mipakatag og hate campaigns againts Bea mao ang mga fans nila Kim ug Gerald, apan pabilin lamang kini nga tsika.

Si Kim sa iyang kabahin, mi-explain na sa iyang mga fans nga di gyud kalikayan nga ipares sila sa ubang actors and actress.

Ni Kim, part kini aron mo-grow sila isip artista.

Bongga sab bitaw ning mga lunod-patay nga fans tungod mo-reak gyud dayon hilabi na og feeling nila gidaug-daug na ang ilang idolo, gipasagdan na.

Apan kun di sab tungod sa mga fans, way future ang mga artista di ba?

Apan, migula sab nga unfair alang kang Bea ang tsismis.

Sumala pa nga di paigo ang rason nga dauton siya, dunay mga hate campaigns tungod lamang kay na-link siya sa ubang actor.

Mas maayo sab siguro nga ang mga fans, di dayon moreak og bongga. For sure ang network sa ilang mga beloved idols gahuna-huna sab sa kaayuhan sa ilang mga artista. Ika nga explore, experiment aron mas bongga!