SA LABING unang higayon sud sa miaging siyam ka tuig nakabaton ang dakbayan sa Sugbo og usa ka mayor nga nakahunahuna sa pagpa-anindot sa dakbayan

Iyang gihulma ang Super Beautification Council nga gilangkuban sa pilantropo nga si Mariquita Saliumbangon Yeung, magpapatigayon Amparito Lhuillier ug ang batan-ong abogada, Atty. Cristina Codilla Frasco, minahal nga kapikas sa kinabuhi sa among mayor sa lungsod sa Liloan ug pinalanggang anak ni Gobernador Gwen Garcia.

Updates on President Benigno Aquino III's presidency

Angay ug matarong gayud nga daygon si Mayor Mike Rama sa iyang pagkombinsir niadtong mga adunahan nga nahigugma sa dakbayan nga sa akong paminaw andam nga mogasto sa ilang kaugaling salapi aron pagpanindot sa atong syudad.

***

Labing unang plano sa maong pundok mao ang paghimo sa Osmena Boulevard nga susama sa Champs-Elysees sa Pris, France, usa sa mga lugar nga gitampunsisukan sa mga turista.

Sumala pa ni Mariquita Salimbangon Yeung, daghang kabayen-an nga niboluntaryo nga motabang nga molampos kining maong plano.

Kon madayon, nindot na kaayong tan-awon ang Osneba Boulevard didto sa ibabaw sa kahanginan sakay sa kagang-kagang nga eroplano nga paliton ni Vice Mayor Joy Augustus Young.

***

Morag gisungog ni Mayor Mike Rama si Tomas Osmena, ang kanhi mayor ug karon kongresista sa habagatang distrito sa syudad.

Supak si Tomas Osmeña nga si Mariquita Salimbangon Yeung ibutang sa beautification council kay di taga syudad. Taga Bogo.

Si Yeung nilansa pagkamayor sa Bogo apan naparot. Pero nahigugma man siya sa syudad.

Matod pa niya: “There are a lot of suggestions on how to go about it, we’re just the implementors. We’re just a group of women who love and want to help Cebu City. We will work very hard without stepping on anyone’s toes.And definitely, there is no politics here, we just love Cebu City too much.”

Karon gipamembro pa gyud si Atty. Cristina Garcia, ang anak sa gobernador.

***

Bisan si Gobernador Gwen giganahan ning maong proyekto nga di unta mahitabo ubos ni Tomas Osmeña.

Matod pa ni Atty. Garcia, “She (Gwen) is very excited about this, with everyone coming out to do what they can for the city. I love Cebu City, I love Cebu Province and anything I can do to help would be a great opportunity.”

Nagpakita kini nga way utlanan ang pagmahal sa dakbayan sa Sugbo. Bisan gani ako nga gikan sa Cabadiangan nagmahal usab sa syudad. Gikuyawan man gani ko sa una sa pagkakita nakog tartaniya. Naunsa ba ning syudad nga ang ilang payag giguyod man og kabayo.

Na hala. Nindot nga syudad nga tan-awon sakay sa kagang-kagang nga eroplano ni Joy Young.