USA ginang milagrong nakalingkawas sa tinong kamatayon human natusaktusak sa mga bala ang lawas dihang sa gipusil sa miaging gabii sa Spolarium St., Barangay Duljo Fatima, dakbayan sa Sugbo.

Si Joan Ramas, 32, dunay kapuyo ug taga L. Flores St., Barangay Pasil nakaangkog samad pinusilan sa iyang tuong dughan, abaga, kamot ingon man wang paa.

Updates on President Benigno Aquino III's presidency

Sa imbestigasyon nila ni SPO3 Rey Cuyos, imbestigador sa Homocide Section sa Cebu City Police Office (CCPO), nasayran nga usa sa duha ka wa mailhing lalake nga nagsakay og motorsiklo maoy nipusil sa biktima.

Human sa pagpamusil, ang duha daling nipalayo sa dapit ug biktima gidala sa ospital.

Matud ni SPO3 Cuyos, si Ramas, way gihatag nga impormasyon kn nganong gipusil siya samtang naglingkod-lingkod sa traysikad, labaw nang wa usab makaila sa mga namusil.

Ang biktima wa usab nakamatikod sa nawong sa duha ka mga lalake kay nag-text siya niadtong higayona.

Ang gunman diha ra sa motorsiklo ug wala manaog sa pagpamusil basis a nakuhang impormasyon didto sa lugar, samtang ang driver sa trisikad wala usab makuhai nilag pamahayag sanglit nahadlok pa karong mga panahuna.

Hinuon, dunay nahipos nga kasayoran ang kapulisan nga posibling ang krimen nalambigit sa kalihokan sa gidiling drugas sa dapit.

Matod ni Cuyos, wa pay klaro ang maong kasayoran apan ilang gisusi ang maong anggulo sa kaso.(Guam P. Logroño)