DUHA ka mga kaso sa pagpangluba ang nahitabo niadtong Domingo ning siyudad sa Cagayan de Oro.

Unang biktima mao si Robert Gamat, 22, ulitawo, taga Tignapoloan, ning siyudad ang nakaangkon og samad dihang giluba niadtong Sabado mga alas 6:00 sa gabii sa

susamang dapit. Gitumbok nga suspetsado si Crisanto Silalay, silingan sa biktima.

Unang namatikdan ang biktima ug suspek nga nasultihanay pa apan kalit lang nga nagbikil sa storya nga misangpot sa pagpangluba.

Samaran ang biktima ug naigo ang likod nga bahin niini hinungdan nga daling gidala sa Northern Mindanao Medical Center (NMMC).

Gawasnon usab ang suspetsado dihang giresponde sa kapolisan sa Police Station 8 (PS8) sa Lumbia.

Laing biktima sa pagpangluba mao si Topper Tapan, 29, taga P-6, Puerto ning siyudad.

Nahitabo ang insidente mga alas 1:00 sa kadlawon samtang nagpalit lang og sigarilyo ang biktima sa tindahan.

Nasayran nga trabahante sa usa ka furniture sa dapit ang biktima. Kalit lang kining giatangan sa wala mailang suspetsado ug deretsong giluba ang tiyan nga milahos sa likod nga bahin niini.

Kritikal gihapon ang kahimtang sa biktima nga anaa gidala sa susasamang tambalanan.

Gipangita na usab sa kapolisan ang suspek nga miluba sa biktima. (SVB)