LAST Sunday, gisaulog ang labing una nga death anniversary ni kanhi Pangulo Corazon Aquino.

Subay sa kalihukan, nagkadaiyang aktibidad ang giandam sa pamilyang Aquino, lakip na mga supporters niini.

Apan ang naka-ilog eksena sa tanan mao ang dulot sa bukog nga pagmaymay ni Lingayen-Dagupan Archbishop Socrates Villegas sa controversial actress television host ug presidential sister Kris Aquino.

Sa homily sa obisyo sa misa alang sa kanhi pangulo, gibutyag niini nga ang kasikat ug kaanyag temporaryo lamang.

"Kris, as you continue to stay in the limelight of show business and go up higher on your career on television, remember all of these will pass. Your beauty and talent are not yours, they are God's," say sa arsobispo nga very close sab sa pamilyang Aquino.

"You will find your real happiness, as your mother did, not on being in the limelight but by being in the spotlight lighting the face of Jesus," dugang niini.

Si Kris sa iyang bahin seryosong naminaw sa mga pagmaymay nga gihatag kaniya.

Si Presidente Noynoy Aquino, dihang gisukit-sukit sa media labot sa mensahe sa arsobispo sa iyang igsuon, igo lang kini sa pagsulti nga: "Siya po ay pastor. Ang kapatid ko naman po ay part of the flock. Yon naman po siguro, sa kanilang dalawa na po yon."

Si Kris usa gyud sa pinaka-kontrobersiyal nga nawong sa showbiz.

Hilabi na sa mga whirlwind nga relasyon nga gikalambigitan niini.

Nahurot na ang gugma

Samtang sa interview kaniya sa higalang si Boy Abunda, diretsong gitubag ni Kris nga nahurot na iyang pagmahal sa banang si James Yap.

Mensahe ni Kris, di na angay pang idamay ang iyang inahan sa ilang marital problems, tungod gawas na siya niini.

Una ng gibutyag ni James nga i-fight gyud niya ang ilang kaminyuon sa tv host tungod sa iyang gibuhian nga saad sa kanhi pangulo.

Tsika ni Kris, gipili niyang motingog na tungod daghan na ang migawas nga intriga nga way kamatuoran.

"No bitterness in my heart," niya pa.

"Huwag ka mahiyang amining pati ikaw, miserable," mensahe niini sa bana.

Dugang sa aktres nga gihatagan niya og higayon ang bana nga magka-istorya sila sa wala pa siya mibiya pa-US aron magbakasyon.

Giangkon sab sa TV host nga naga-text kaniya si James.

Ni Kris, gitext siya ni James nga na-relaize niini ang iyang mga sayop, apan si Kris nag-dialogue nga "too late" na ang mga pagbasol.

Sumala pa gikapoy na sab siya nga mag-pretend nga okey atubangan sa kadaghanan. Gibutyag sab sa aktres nga may ideya na ang anak nga si Baby James sa ilang problema sa pamilya.

"James want to be James. I want to be Kris," say sa presidential sister.

Open sa bag-ong relasyon

Nagkatawa nga giyagyag ni Krissy nga gisultihan siya sa mga igsuon nga kun mamahimo di una makig-relasyon sud sa unom ka tuig.

Kini aron di madamay sa intriga ang igsuon nga pangulo sa nasud.

Si Kris, nga very vocal, igo lamang sa pagtubag nga "I'll try."

Aminado ang aktres nga paningkamotan niyang di madamay ang maguwang sa mga intriga nga iyang gikalambigitan.

Buot sa aktres nga unsa man ang iyang ginabuhat, gawas na dinhi si P-Noy.