GIPAAMPO sa Ave Maria Sanctuary ang Mandaue Land Master, 94-80, sa panagsangka sa mga Group B lider sa nagpadayon nga 3rd Emil’s Cup Open basketball championships sa Lipata

Sports Complex, lungsod sa Minglanilla.

Ang mga beteranong sila si Danny Aying, Aldrin Ocanada inubanan sa batan-ong si Jessie Omolon ang nagkumboya og 61 puntos alang sa Ave Maria ni coach Edito Salacut kinsa pabilin nga way pildi sa tulo ka duwa.

Updates on President Benigno Aquino III's presidency

Ang Mandaue-Landmasters nga nakigsangka pa kagabii sa Aces (2-0) nahagsa sa 2-1 nga baraha.

Ang kapildihan maghatod kanila sa sayong bakasyon apan ang kadaugan makamugna og komplikasyon tali sa Aces ug sa Ave Maria ilabi na og mapildi ang Ave Maria sa Aces karong gabii.

Sa Group A, yanong gipukan sa USJR/Maria ang UC Alumni Gemmary Pawnshop, 88-80, aron pagsiguro og luna sa semifinals round. Sa samang higayon, nitidlom usab ang paglaom sa UC nga madala pa sa semis race.

Ang mga puntos: USJR/Ave Maria (88) – Justiniani 15, Pogoy 11, Gudez 11, Nunez 11, Gabas 10, Delfino 8, Valencia 6, Villaver 6, Alicaway 5, Ponce 4, Tundag 4, Duran 4, Hatague 2. UC Alumni (80) – Caytuna 23, Luceno 19, Ramos 13, Cainglet 13, Abella 10.

Ave Maria (94) – Aying 21, Ocanada 20, Omolon 20, Jaca 17, Paraguya 7, Abellana 3, Doy 2. Mandaue (80) – Latonio 12, Magdadaro 12, Laygo 11, Reyes 10, Villaver 9, Gerilla 8, Bucao 4, Alcaraz 4, Magpayo 3, Dennison 3, Zanoria 2, Butel 2.