KARON, Noy, di na ko kamao maibog og lain kay ang akong mga mata siya ra gyud ang naa. Kon mag-away mi grabe kaayo siyang mobalikas kanako. Maghilak lang gud but kon iya kong i-comfort maulian man sab ko ug malipay. Kon mo-text na siya makulbaan ko nga malipay. Daghan ang nag-ingon nga martir ko.

Ganahan sab ko sa akong Kano ron. I tried to be honest sa Kano apan kon si Decent Guy na gani, di gyud ko makapugong. Iya kong gisultihan nga magtarong na ko sa akong kinabuhi. Hagbay ra kong nagtarong. Naa ra man gani ko sa amoa. Molaag ra ko kon mo-disco. Open mi sa ubang mga tawo, gawas sa iyang mama. KOn maayo kaayo mi, pinangga kaayo ko niya.

Updates on President Benigno Aquino III's presidency

Nagbuwag mi ron tungod sa Facebook. Magselos man siya sa ubang mga lalake bisan ang Kano ray akoa. Noy, unsay may imong sabot sa among kahimtang karon? Noy, tinuod kahang di siya modawat sa bata? Sorry sa taas nakong suwat.

CRAZY LADY

Lady,

Maayong adlaw diha nimo. Bitaw, nasulod man ka nianang relasyon nga napuno sa abuso ug pagpahimus. Ayaw baya paabuta ang imong pagsakripisyo nga maglagot ka na mismo sa imong kaugalingon.

Naa ra ba gyud na nga yugto sa kinabuhi labina kon moabot ka na sa panahon nga makaamgo ug mahigmata ka nga na-shot ka na diay sa abusadong tawo.

Una, iya ka rang gigamit sa iyang kapritso sa babaye kay iya ka man gud nga ma-control. Klaro kaayo nga nahadlok siya sa iyang inahan kay di ka gud niya ipakita sa iyang inahan nga uyab mo.

So, nangita siyag babaye nga ma-full control niya nga mao ikaw.

Tingali, wa sab niya ni makita sa iyang usa ka girlfriend. Iya ra man kang maulo-ulohan gud ug mapakatawa human ka niya pasakiti ug insultoha og maayo.

Ikaduha, iya ka rang gitunto. Kay kon wa ka pa niya tuntoha, iya nang gikuha ang bata kay iya gud nang anak.

Kana bisan unsa pay isulti sa iyang inahan. Ngano gud tawng mahadlok pa man siya sa iyang inahan nga 31 anyos na man siya.

Labaw pa siya sa word nga mature. Gawas pa, di sab dautan ang pag acknowledge sa bata. Mas maayo man gani nga in public iya ning kuguson, dad-on niya sa ilaha kay ang dugo nga naglatay sa kaugatan niana tipik man sa iyaha. Unya iya sab ning ilhon in legal papers nga iyaha.

Kanus-a ka man kaha mahigmata, unya nag uwahi na ang tanan?

Bisan tuod kon bata ka pa, hinayhinay nag panday sa imong ugma kay mas gikinahanglan ka sa imong anak. Move on nga wa siya.

Nindot kaayo ang paminaw kon naa siya ug sakit sab kana kon mag-away na mo.

NOY KULAS