Yap: WOW P. Noy!
SA TANAN presidente sa Pilipinas, si President Noynoy Aquino ang nagpakita og kaisog batok sa kurapsyon. Mao kini iyang kampanya busa midaog siya ka yang Pilipinas nanginahanglan gayud og insaktong kabag-ohan. Ang katawhang Pilipino mipili kaniya tungod kay mituo nga makahatag siya og kabag-ohan.
Karon nga nabutang na siya sa pwesto, tuod gisugdan niya kini pinaagi sa pagbutang og mga tawo sa iyang kabinete nga adunay kalidad ug prinsipyo. Sa iyang 100 days isip Presidente, nagpahigayon siya sa naandang State of the Nation Address o Sona. Sa iyang Sona, gipakita niya nga tinud-anay iyang kampanya tungod kay gibisto niya sa katawhan ang mga salaod ug anomalya sa kanhing administrasyon. Depensa dayon ang mga kauban sa kanhing administrasyon. Tinuod man o dili, ang Truth Commission ug Ombudsman ang magsuta sa maong mga anomalya.
Kining tanan nga pagbutyag niya sa mga salaod, masukod lamang ang iyang kampanya ug sinsiridad kung adunay masilutan. Mintras wala'y masilutan, kining tanan padayon nga damgo para sa kabag-ohan.
Hatagan nato ang gobyerno sa usa ka tuig nga panahon aron maplastar ang tanan. Kung wala pa gihapo'y kabag-ohan kining tanan, imahinasyon lamang isip usa ka tawo ning kalibutana. Tanan nasud sa kalibutan dili perpekto, aduna'y kapakyasan ang tanan ilabina ang tagsa-tagsa ka gobyerno. Hinuon gapaningkamot man kitang tanan aron mahapsay ang atong panginabuhi, anaa ra kini kanato kung mipili kita sa gobyerno nga tarong ug adunay pagpakabana ug kita mismong katawhan motabang sa kalambuan sa atong nasud. Para kanako, maayo ang guisugdan nga kausa ni P. Noy ug aron dili siya mapakyas, suportahan dapat kini siya sa katawhan para sa padayong kabag-ohan ug tinud-anay gayud nga pagsilot sa dapat masilotan.
Kung makita nimo sa iyang Sona, ang kasagarang mitambong mao ang iyang mga kapartido, dili nato makita si kanhi Presidente GMA, aha kini siya nagtago? Dili ba niya maagwanta ang batikos unya kaniya sa SONA kay kahibalo man siya nga siya banatan sa speech ni P. Noy ug guilty ba siya sa iyang mga nahimo or milikay siya sa media? Katungod mani niya isip representante sa iyang distrito. Pero kung wala siya'y guily, magpakita siya di ba? Hinuon iyang distrito man ang maulaw tungod kay siya man ilang gipili. Anaa ra kana kanila ang insaktong kabag-ohan sa ilang distrito. Ang tanan ilaum nato sa kagamhanan tungod kay sila man ang aduna'y kahibalo sa hustisya ug sa Ginoo ang mga kasal-anan nila.
Maayong adlaw ug daghang salamat!