NAGKANAYON si welterweight Rashad Holloway nga dili gyud unta angayang hatagan og oportunidad si Mexican Antonio Margarito nga makaaway kang pound-for-pound champion

Manny Pacquiao.

Si Holloway, kinsa naka-sparring na ni Pacquiao ug hasta kang Margarito, mitumbok nga ang pagpanikas (pagbutang og pampagahi nga kemikal sa iyang hand wrap) ni Margarito maoy labing dakong hinungdan nga dili na kini angayang mahatagan og dakong

oportunidad.

Updates on President Benigno Aquino III's presidency

“There is no way in hell that Margarito deserves this fight!” matod ni Holloway sa interbyu sa www.boxingtalk.net.

Nabalikan sab og hisgot ni Holloway ang iyang grabeng angol nga naangkon dihang nakig-sparring siya kang Margarito sa una.

Nagtuo si Holloway nga bisan sa sparring, nagbutang na gyud og pampagahi nga kemikal si Margarito hinungdan nga grabeng bun-og ang iyang nasinati.

“Honestly, it was an injury that almost cost me my career. Not only did I have a fractured orbital bone but I had permanent nerve and muscle damage in my right eye.

That is what made the injury so bad,” matod ni Holloway.

Wala sab motuo si Holloway nga wala’y kasayuran si Margarito kabahin sa pampagahi nga kemikal ug ang trainer lang niini maoy nahibalo.

“Margarito can’t say that he didn’t know it was on his hands. You gotta be real. I know if knuckle guards are on my hand, I know if they are hard or soft,” dugang ni Holloway.

Sa laing bahin, sa internet poll nga gipasiugdahan sa www.mannypacquiao.ph kabahin sa kon kinsa ang angayang makontra ni Pacquiao, nasuta nga wala gyud kaayo’y interes ang mga tawo kang Margarito.

Ang ningdaog mao si Floyd Mayweather Jr., kinsa nakakuha og 30.3 percent sa dul-an sa 2,000 ka mga ningresponde.

Naa sa ikaduha mao si Mexican Juan Manuel Marquez, kinsa nakakuha og 29.1 percent samtang si Margarito naa sa ikatulo nga adunay 29.1 percent.