PATAY diha dayon ang usa ka provincial prosecutor samtang nag-jogging kagahapon mga alas 6:45 sa buntag sa Pryce Quadrangle, Tubod, siyudad sa Iligan.
Subay sa police reports gikan sa Iligan Police Office patay diha dayon si Lanao del Norte Prosecutor Macadatar Marsangka human gipusil sa duha ka mga suspetsado nga sakay og motorsiklo ug nisibat agi sa dalan Barangay Tambacan, siyudad sa Iligan.
Naigo ang ulo sa biktima hinungdan sa hinanaling kamatayon niini.
Gipanawagan sa pamilya sa biktima ang hustisya sa kamatayon niini. Ang patayng lawas anaa gidala sa Brgy. Mahayahay, susamang siyudad ning panahona.
Nasayran nga ang kapolisan kanunay nga magdestino og mga sekyu sa lugar partikular kung ang government official mohimo sa ilang ehersisyo.
Apan namatikdan kagahapong adlawa nga walay makitang patrol car sa polis niadtong tungora hinungdan sa higayon sa mga suspek pagpatay niini.
Sa pagsulat ning balita padayon pa nga gitino ang kapolisan ang motibo sa pagpatay ingon man nilusad na og man hunt operation pagsikop sa mga suspetsado.
Gani si Lanao del Norte Governor Khalid Quibranza Dimaporo nikondena sa kamatayon niini ug nanawagan sa kadagkuan sa kaulohan pagsikop sa mga suspek.
"We hope that the President and De Lima will facilitate the investigation, arrest the killers and mastermind and lock them in jail because if it fails no fiscals in the province will run after criminals in Lanao del Norte," ni Gov. Dimaporo.
"Justice to all is critical to our goal of strongly uniting Muslims and Christians in Lanao del Norte," Dugang niini. (PIO/SVB)