WA GYUD intawon igdungog ang pagbisita sa kontrobersiyal basketball player nga si James Yap sa lubong sa mother-in-law niini nga si former President Cory Aquino.

Say pa nga pinaka-unang miduaw atol sa unang sumad sa kamatayon sa kanhi pangulo ang basketbolista.

Sa pep.ph gipatik ang stolen shot sa basketbolista sa iyang pagduaw sa Manila Memorial Park, sa Parañaque City.

Ang maong litrato gipadala sa usa ka anonymous sender pinaagi sa email sa talent manager-writer nga si Noel Ferrer.

Uban sa picture nga gipadala ang pipila ka mensahe sa sender niini.

Say pa nga miabot si James sa sementeryo ala 1:30 am sa kadlawon.

Klaro sumala pa nga magul-anon kini, nagalikay nga may makakita niya.

Ang sementeryo mag-abli alas 5:00 a.m., apan dihang namay-ungan siya sa gwardiya gipasulod siya isip konsiderasyon.

Kapin 20 minutos sab nga nagpundo si James atubangan sa lubong sa kanhi pangulo.

Sitsit sa mga nakakita guol kaayo ang nawong niini.

Pipila ka oras ang milabay nakita na si President Benigno Aquino III, uban ang mga igsuon niini nga miduaw sa lubong sa ilang anak.

Wala si Kris, tungod may trabaho kini.