Panday napalgan patay sulod sa bunkhouse

USA ka panday sa usa ka kompaniya ang napalgan na lang nga wa nay kinabuhi sud sa usa ka bunkhouse nga iyang gipuy-an didto sa Barangay Darong, lungsod sa Sta. Cruz, Davao del Sur.

Ang karpentero nailhan pinaagi sa iyang mga kauban nga mao si Alberto Alfaron, hingkod ang pangedaron, minyo ug nagtrabaho sa HR Construction Corporation nga nahimutang sa maong lugar.

Mga alas 7 ang takna sa buntag niadtong Lunes, nakadawat og tawag sa radio handset ang kapulisan nga nakabase sa Darong, human nadiskobrehan nga kamatayon sa biktima.

Sa ilang pagtubag sa alarma, ilang naaktuhan ang patayng lawas sa biktima sud sa bunkhouse nga iya sa CJ Toyota didto sa maong lugar.

Usa ka Roger Coli, 45, minyo nga taga Palimbang, Sultan Kudarat ug kauban sa biktima maoy nakadiskubre sa patayng lawas sa biktima.

Sigun niya sa kapulisan, kalit lamang niguwa sa bunkhouse ang 6 anyos nga anak sa biktimang si Macmac ug naghilak. Sa dihang iyang gisusi, nakurat na lang siya kay ang patayng lawas sa biktima ang iyang nakita.

Sa pagsusi sa kapulisan, nasayran nga namatay ang biktima tungod sa "acute pancreatis" kun orum.

Si Police Officer 2 Elmer BaƱagaso sa Sta. Cruz Police nihimo pa og dugang imbestigasyon bahin sa hitabo. (Dondon Dinoy)

Related Stories

No stories found.
SunStar Publishing Inc.
www.sunstar.com.ph