Fredrick F. Gelbolingo
121 Prenza, Argao, Cebu
rWA makapugong ang makusog nga kilat ug uwan sa yawan-ong plano nga nagkiat sa alimpatakan ni Daloy alang niining usa ka seksi ug guwapa nga babaye nga iyang gikaatubang karon, nga miabli ug mipasud kaniya gikan sa gawas sa gipasilungan niyang ‘gate’.
Mingaw ang nataran hangtod pagsud nila sa balay nga bungalow. Way madungog nga kasikas bisag tingog na lang sa tiki, gawas sa ulan, dalugdog ug linugapak sa liti ug kilat ning sayong kagabhion.
Nagpasabot kaniya nga nag-inusara ra ang babaye ug mihatag og dugang sensasyon kaniya ganina ang pagkabag-id-bag-id sa dughan sa babaye sa iyang bukobuko ug bukton dihang giagbayan siya ug gipayungan padung sa sulod sa balay.
Ang babaye nagsul-ob lang og nipis nga daster ug maklaro ang tinaguang parte sa lawas niini. Nabatyagan ni Daloy ang pagpanghugot sa iyang kaugatan nga gigamhan sa dinagaang sa iyang pagbati.
Sud sa kusina dihay daghan ug lamiang pagkaon nga nagpasad sa talad kan-anan, sama sa kan-ong humay nga puwa, hamon, fried chicken, ug uban pa. May mga prutas sama sa saging, abokado ug mangga. “Kaon, Kuya,” giagda siya sa babaye.
Apan wa ganahi si Daloy niini kay ang diha sa iyang hunahuna mao ang dako nga pangandoy nga angkunon ang pagka bulak sa babaye.
Usa ka makusog nga hangin misulod sa kusina nga nakapukas sa daster sa babaye. Wa na makapugong si Daloy. Kalit nga gigakos niya ang babaye nga milugnot-lugnot.
“Tabang!” misinggit ang babaye.
“Magpatabang ka pa gyud? Di ka makontento kon ako rang usa? He-he-he!” binugoy nga tubag ni Daloy nga mihugot paggakos sa babaye
“Tabang!” misinggit na sab ang babaye.
“Way makadungog nimo karon, uy! Kusog kaayo ang uwan, dugdog, kilat ug liti.” ni Daloy nga misugod misugod paghalok sa mga ngabil sa babaye dihang nalup-og sila sa salog.
Gipukas ni Daloy ang daster sa babaye. Apan sa kalit nabatyagan niya nga may migunit ug mihikap sa nagkalain-laing parte sa iyang lawas. May migisi sa iyang polo. May mibira sa iyang sapatos. May mihushos sa iyang karsones. Ug may milangkas sa iyang brip.
Ug sa iyang paglingi-lingi may siyam ka seksi ug guwapang mga babaye ang nag-apong kaniya.
Mibangon ang babaye nga nagpasulod kaniya sa balay ug gidat-ugan si Baloy nga wa nay sapot.
Nagpuli-puli pagpahimulos kaniya ang pulo ka mga apo ni Eba.
Alas dos sa kaadlawon nagkamang nga nagkagidlay si Daloy; nangita og duol nga police station aron pagtaho nga gi-gang rape siya sa napulo ka seksi ug guwapang mga babaye.
Apan tuohan kaha siya sa mga pulis? Nagkaluya na siya ug gigutom.
Nahinumdom siya sa daghang mga pagkaon nga puno sa sustansiya didto sa lamesa sa balay sa mga babaye nga wala niya kan-a. M
akalahutay unta siya bisag tabangan pa siyag lugos sa mga babaye. Mao kini didto sa iyang hunahuna. (KATAPUSAN)