DEAR Noy Kulas,

Maayong adlaw diha kanimo. Tagoa lang ko sa ngalang Chen, 32, adunay anak apan buwag sa bana. Akong suliran ma-describe gyud nga “as complicated as it is wrong”.

Ingon ani ni siya, Noy. Usa ko ka-magtutudlo sa usa ka private school dinhi sa Sugbo.

Updates on President Benigno Aquino III's presidency

Nagsugod ko niadtong 2006 ug hangtod karon anaa gihapon ko nagtrabaho sa maong eskwelahan. Niadtong unang tuig sa akong pagtudlo sa maong institution, Noy, naa koy nasuod nga estudyante nga itago lang nato sa ngalang Paula. 14 siya ug ako 28 adtong nagkaila mi. Nagkasuod mi aning Paula tungod kay ako ang iyang adviser niadto. Usa sab siya sa mga estudyante nga nagpakita diri nako og dakong interes sa akong subject nga gitudlo adto mao nga usa siya sa akong na-recognize pag-ayo niadto sa akong klase.

Sulod sa eskwelahan, exclusively teacher-student relationship ang naa namo, apan sa gawas, ate o amiga ang iyahang panlantaw ug pagtratar nako. Ako ra sab kining gi-tolerate, Noy, kay close man sab ko sa uban nakong estudyante adto. Magkasinabot man mi bahin sa ubang butang, besides academics. Apan nakamatikod gyud ko adto nga ang behavior ni Paula lahi sa uban nakong estudyante.

Sa misunod nga tuig, Noy, dili na ako ang iyahang adviser mao nga wala na kaayo mi nagkita adto. Kon magkita man, kana ra nga magkasugat mi o kon dili, mag-abot mi sa canteen by chance. Sa maong tuig sab nakigbuwag ko sa akong bana tungod nga wala na gyud mi nagkasinabot ug naapektuhan na pag-ayo among anak nga bata pa. Nakadesisyon ko nga buwagan siya ug mopuyo na lang sa akong ginikanan uban ang akong anak aron dili mosamot ang gubot.

Sulod sab anang tuiga, Noy, dako kaayong kahibulungan ang nahitabo. Nakuha ni Paula akong cellphone number ug nagsige siya og text nako. Usahay motawag sab siya.

Nahibulong gyud ko kaayo adto nganong iyang gikuha ug giunsa niya pagkuha akong number. Nabalaka gyud ko kay kon mahibaw-an sa eskwelahan nga nakig-communicate siya nako outside sa school, mahimo gyud siyang dako nga isyu. Ako siyang giingnan nga di maayo iyang gibuhat ug di gyud pwede nga mag-communicate mi gawas sa school. Usa pud, dili pwede nga mag-istoryahanay mi bahin sa personal matters. Akong giilisan akong number adto, Noy.

Apan wala abti og usa ka-buwan, nakuha na sab ni Paula akong number. Wa gyud ko kasayod kon giunsa niya pagkuha. Mi-text siya nako ug namugos nga makigkita kay naa daw siyay dakong problema. Kay nabalaka man ko niya, nag-arrange ko nga makig-meet niya sa usa ka mall. Sa dihang nagkita mi, iyang gi-reveal nako ang iyang problem.

Nisulti siya nga dili siya magkagusto sa lalake ug dako kuno kaayo siya og gusto diri nako. Akong initial reaction adto, Noy, kay nakaingon ko niya nga nagbinuang ra siya.

Wala gyud ko katuo nga lesbian siya kay babaye kaayo siya og hitsura bisan tuod og may pagka-sporty siya. Usa pud, bata pa kaayo aron makahibaw nianang mga butanga.

Apan nisulti gyud siya nako with sincerity nga tinuod gyud daw iyang gibati alang nako. Akong gi-explain niya nga mawala ra iyang feelings nako kon di niya i-entertain ang mga ingon adto nga thoughts. Gipasabot nako siya adto. Nisabot siya apan nakita gyud nako nga nasakitan siya pag-ayo. (sumpayan)