NAMATAY ang usa ka 12 anyos nga bata nga babaye human mabanggai sa naghagoros nga pribadong sakyanan niadtong Martes sa hapon sa national highway sa Sitio Dancar, Brgy. Dungo-an, dakbayan sa Danao.

Ang biktimang si Christine Castro, estudyante sa Carmen National High School, nagpuyo sa nahisgutang lugar, dead-on-arrival sa Danao District Hospital gumikan sa mga bun-og nga iyang naangkon sa iyang kalawasan.

Updates on President Benigno Aquino III's presidency

Samtang ang nakabangga kang Castro mao ang Toyota Hilux (XJD-447) nga gimaniho ni Carmelo Pono, taga Brgy. Cogon West, lungsod sa Carmen.

Si Pono ni-surrender sa kapulisan human sa insidente.

Sa report sa Danao police station, si Castro kalit lang nilabang gikan sa walang bahin sa karsada sa nahisgutang lugar hinungdan nga maayong pagkasabak sa naghaguros nga sakyanan.

Gumikan sa ka kakusog sa impact, maayong pagkalagpot sa biktima pipila ka metros hinungdan nga nakaangkog grabing kadaot sa kalawasan.

Samtang usa ka negusyante nakaplagang patay sud sa usa ka beach resort sa Danao city.

Ang biktima giila sa kapulisan nga mao si Alfredo Riveral 57, minyo, negusyante, taga Cabantan St., Brgy. Mabolo, dakbayan sa Sugbo.

Una niini, mga kawani sa maong beach resort maoy nitawag sa kapulisan sa dakbayan sa Danao nga duna silay nakit-an tawo nga nagbuy-od sulod sa lawak nga hubo ug wa na magginhawa.