KAPULISAN sa dakbayan sa Mandaue aduna nay suspek sa pag-ambush sa negosyanteng babaye ug sa iyang driver nga anaa pa karon sa kritikal nga kahimtang.

Samtang negusyo maoy gitutokan sa Mandaue City Police Office (MCPO) nga posebling

motibo sa pag-ambush.

Updates on President Benigno Aquino III's presidency

Niadtong Miyerkules sa buntag, ang magpapatigayon nga si Debbie Yu ug ang iyang driver nga si Sony Boy Mahilum gi-ambush sa duha ka mga lalake nga nagsakay sa motorsiklo sa may sityo Pilit, Brgy. Cabangcalan, dakbayan sa Mandaue.

Ang duha ka mga biktima sakay sa Toyota Fortuner, samtang ang duha ka mga suspek sakay sa motorsiklo samtang nag-helmet ug pulos nag-jacket.

Si Mahilum anaa pa sa kritikal nga kahimtang samtang si Yu anaa pa sa tambalanan ug luwas na.

Matod ni Senior Supt. Noel Gillamac nga negosyo maoy ilang gitutokan nga motibo sa pagpatay base sa ilang gihimong imbestigasyon.

Gipasabot ni Gillamac nga ang target sa mga kriminal mao gyod si Yu apan ang ilang gipusil mao si Mahilum sa pagtuo nga ang negusyangte naglingkod tupad sa driver.

Si Yu didto diay naglingkod sa luyo sa driver ug di sa frontseat.

Nagkanayon si Gillamac nga di mga professional ang mga suspek nga ila nang nailhan ug wa pa makabiya sa Sugbo.

Apan kasaligang tinubdan nagbutyag nga usa sa duha ka mga suspek nakuha na sa kapulisan.

Samtang wa magtuo si Mayor Jonas Cortes sa dakbayan sa Mandaue nga makaapekto sa natad sa patigayon ang pag-ambush ni Yu ug Mahilum.

Si Cortes niingon nga isolated lang ang hitabo ug di kini angay kabalak-an.

Nagkanayon ang mayor nga mga biktima dili taga dakbayan sa Mandaue apan aduna lang silay negusyo nga nagbasi sa Mandaue.(DRT)