KAPULISAN padayon pa sa gihimong imbestigasyon sa pagpusil sa magtiayon nga padung unta mosulod sa ilang trabaho didto sa Provincial Engineers Office sa siyudad sa Digos.
Kahinumdoman nga mga biktima nailhang si Joelito Villegas, 45 anyos ug si Victoria Bontia, 43 anyos, gipamusil sa wala mailhing mamumuno ug pulos nakaangkon og mga samad sa ulo ug lawas.
Sa maong hitabo, nakabsan sa iyang kinabuhi si Joelito ug padayon pang gitambalan si Bontia sa ospital.
Wa pay natumbok nga suspek ang Digos City Police Office kon kinsa ang mga suspek nga sakay og motorsiklo sa dihang gipusil ang mga biktima duol sa kapitolyo.
Aduna nay mga anggulong gisubay ang kapulisan kalabot sa insidente. Una mao ang love triangle sanglit mga biktima parehong duna nay kabilinggan sa kinabuhi.
Ikaduha, mao ang negusyong "lending" sa kapuyo nga maoy hinungdan sa krimen. (Dondon Dinoy)