GIPANEGURO ni Don King nga kon siya na ang mahimong promoter ni Floyd Mayweather Jr., hayan mapahigayon gyud ang away batok kang pound-for-pound champion Manny Pacquiao.

Sa nanglabayng mga semana, giibid-ibiran ni King si Mayweather, kinsa usa na ka free agent sa pagkakaron. Iya kining giimbitar sa Florida aron motan-aw og usa ka comedy show.

Updates on President Benigno Aquino III's presidency

Giangkon ni King nga gusto gyud siyang mahimong promoter ni Mayweather.

“Hopefully if I do, we will make certain that the fight with Pacquiao takes place,” matod ni King sa interbyu sa GMANews.TV. “I don’t know if I can do that but he’s visiting me. We’re talking and I’m very optimistic.”

Gipasabot ni King nga tinguha gyud niya nga ma-promote ang labing gikaintapang away sa kasaysayan katambaytayong si Top Rank boss Bob Arum.

“This is going to be a gigantic fight because the difference of the world. Now with the new communications and the internet, this would make it the biggest fight of all time at this stage of the game.”

Gilabanan ni King si Mayweather, kinsa napasangilan nga maoy hinungdan sa duha ka palpak nga negusasyon kabahin sa ilang away ni Pacquiao.

Gipasabot ni King nga wala’y kalabutan si Mayweather sa mga panghitabo kay ang angayang basulon mao ang promoter sa duha ka mga kampo.

“They just are not communicating and talking the same language. That in itself is a logjam. It’s a communications and respect problem. I speak the language so I understand the ghetto ways they are talking about. Many people don’t understand them, that’s why you can’t get a straight answer because it’s incommunicado,” pasabot ni King.