NATAHAP ang pulis nga dunay laraw ang sindikato sa druga nga gamiton ang mga minor de edad sa pagbaligya og druga.
Duna silay nakita nga bintaha sa paggamit sa mga bata sa pagbaligya sa gidiling druga tungod kay bisan madakpan sila, dili sili mapriso.
Mao kini ang probiso sa Pangilinan Law kun and Juvenile Justice and Welfare Act of 2006 nagpagawas sa tulubagong kriminal sa mga batan-on nga ubos sa 15 anyos ang pangidaron.
Niadtong milabay nga adlaw, usa ka alyas Jomar nasikop sa mga sakop sa Philippine Drug Enforcement Administration didto sa Bo. Pampanga, siyudad sa Davao.
Sumala ni PDEA deputy director Emerson Rosales nga si Alyas Jomar mitug-an nga gisugo siya sa usa ka alyas Astri sa pagbaligya sa gidili nga shabu.
Tungod sa Pangilinan Law halus dili makalihok ang pulis sa pagpakgang sa mga batan-on tungod kay namiligro sila sa kaso.
Tingali panahon na nga amendahan ang Pangilinan Law.
Di pa dugay, mga batan-on nalambigit sa krimen dinhi sa siyudad ug usa niadtong nabalaka sa sitwasyon mao mismo si vice mayor Rody Dutertre.
Si Duterte naghangyo na ni Presidenti Noynoy Aquino nga amendahan ang Pangilinan Law nga gikopya lamang sa Juvenile Offenders Act sa lainlaing mga estado sa Amerika.
Ang maong balaud dili haum dinhi ug nakahatag og labad sa ulo sa mga otoridad nga nagpatunhay sa kalinaw ug kahusay.