BONGGA ha, kun tinuod man kini.

May mga sitsit karon nga posibleng apil sa panel of judges sa prestihiyosong Ms. Universe 2010 ang presidential sister nga si Kris Aquino.

Ang pageant himuon sa Las Vegas, Nevada.

Sumala pa nga may usa ka link sa Facebook, usa ka social networking site ang gipadala sa pipila ka showbiz writers sa kauluhan.

Diin makita didto nga ika-unom si Kris sa mga pictures sa gipiling international celebrities nga maoy himuong judge sa Ms. Universe.

Uban daw ni Kris as judge sa maong pageant mao sila Ricky Martin, Rafael Nadal (#1 tennis player in the world), Omorosa Manigualt-Stallworth (sa The Apprentice), Riyo Mori (2007 Miss Universe from Japan), Sharon Osbourne (sa UK hit show nga The Osbournes), Izaac Mizrahi (Egyptian-American fashion designer) ug laing duha nga wala pa nganli.

Sumala pa nga ang link sa FB page gikan ni Dominik Cesar Foster sa Caracas, Venezuela nga may kaila sa Miss Universe Organization.

If ever man nga tinuod kini, well pride and glory gyud kini sa Pinas.

Di basta-basta ang ginapili nga mahimong judge sa Ms. Universe.

Knowing Kris, luyo nga siya igsuon sa pangulo sa Pinas, certified fashionista kini, bongga sab ang iyang gina-endorse nga mga produkto, nahimo na sab kini nga judge sa Pilipinas Got Talent ug uban pa.

Sa pikas bahin, nag-abot-abot na sab sa Las Vegas ang mga kandidata sa Miss Universe. Miabot last Wednesday ang pambato sa Pinas nga si Maria Venus Raj.

Say pa nga apil ang 22-anyos sa unom ka babaye nga gipili sa Ms. Universe organizers nga mag-media tour, mag-promote sa pageant.

Uban ni Venus sila Miss Mexico Ximena Navarrete, Miss Haiti Sarodj Bertin, Miss Australia Jesinta Campbell, Miss Puerto Rico Mariana Paola Vicente ug Miss Colombia Natalia Navarro.

Host sa pageant ang singer-actor ug Season 3 winner sa Celebrity Apprentice nga si Bret Michaels, uban niya ang Today show ug correspondent sa Dateline NBC nga si Natalie Morales.

Ang coronation night sa 2010 Miss Universe pageant himuon sa 12,000-seat sports and entertainment complex sa Mandalay Bay Events Center sa Las Vegas sa Agosto 23 (Agosto 24 sa buntag sa Pinas).

Ang reigning Ms. Universe mao ang 23-anyos nga si Stefania Fernandez sa Venezuela.