Asset sa pulis gitipi

Gipusil. Patay ang traysikol drayber nga si Ricky Ocon, taga-Pool, Barangay Bankal, Lapu-Lapu City.  Si Ocon gipusil sa wa pa mailhing mamumuno gawas nga bahin sa Material Recovery Facility sa Barangay Mactan. (Hinatag nga hulagway)
Gipusil. Patay ang traysikol drayber nga si Ricky Ocon, taga-Pool, Barangay Bankal, Lapu-Lapu City. Si Ocon gipusil sa wa pa mailhing mamumuno gawas nga bahin sa Material Recovery Facility sa Barangay Mactan. (Hinatag nga hulagway)

TRAYSIKAD drayber nga giingong nanghambog nga police asset ang gitangkugo og pusil sa may dumpsite sa Sityo Pool, Brgy. Bankal, Lapu-Lapu City, niadtong Dominggo.

Ang namatay giila nga si Ricky Ocon, 26, adunay kapuyo ug residente sa dapit.

Saysay ni P/SInsp. Ronnie Acar, hepe sa Homicide Section sa City Police office, nga gikan nagpatimbang og scrap si Ocon ug nagdali sa iyang pagpaniudto diha sa ilang balay dayon biya.

Apan nianang pagka alas 3:00 sa hapon buto sa armas ang milanog sa palibot ang mga silingan nga nagkalingaw og hisgot sa resulta away ni Manny Pacquiao ug Lucas Matthysse nakurat ug napalgan nalang nga nahagba si Ocon.

Matod ni Acar nga naglisod sila sa pagsubay sa posible nga mamumuno kay mga silingan wa makabantay sa hitabo.

Dugang pa ni Acar nga sa ilang gihimong background check sa biktima wa kini sa listahan nga nalambigit sa drugas apan gikatahong sa higayon nga mahubog manghambog kini nga asset sa pulis.

Nasayran nga tulo o upat ka buwan ang milabay sa samang dapit nga gipatay ang amahan ni Ocon ug gituohan nga tulis ang motibo sa dihang ang halin sa gibaligya niining baboy wa na sa iyang posisyon.

Sa laing bahin, drug pusher patay sa dihang naunhan og pusil sa operatiba sa Police Station 5 atol sa gihimong buy-bust operation niadtong Sabado sa hapon sa Sityo Saac, Brgy. Buaya.

Ang subject sa operasyon naila nga si Ronie Mayol, 44 og nagpuyo sa naasoyng barangay.

Sa dihang nakamatikod si Mayol nga pulis diay ang nagpaka-aron ingnon nga buyer og shabu dali kining mibunot sa iyang 38 rebolber nga giluklok sa iyang hawak dayon tira sa poseur buyer.

Apan mikagar ang armas ni Mayol hinungdan nga nakahigayon og tira ang mga pulis.

Dead on arrival si Mayol sa dihang gidala sa city hospital.

Nakuha ang 15 ka mga gagmayng pakite nga adunay sud nga gituohang shabu, 38 rebolber nga adunay duha ka mga bala. (FVQ)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph