GIHANGOP ni Gobernador Gwen Garcia ang pangandoy ni Mayor Mike Rama nga mabalik nga sakop sa lalawigan sa Sugbo ang siyudad sa Sugbo.

Kon kini matuman, gipasalig sa gobernador nga dako og matabang ang lalawigan sa Sugbo alang sa dugang kalambuan sa siyudad sa Sugbo.

Sa sayo pa, si Rama nipadayag sa iyang tinguha nga mabalik ang katungod sa mga botante sa dakbayan sa Sugbo nga makabotar og gobernador ug uban pang mga opisyal sa lalawigan.

Updates on President Benigno Aquino III's presidency

Si Rama way nakitang kalainan sa sitwasyon sa siyudad sa Mandaue nga mahimong makabotar sa probinsya sa kahimtang sa dakbayan sa Sugbo.

Tungod niini, ang siyudad sa Mandaue nakadawat og mga ayuda gikan sa lalawigan sa Sugbo.

Naglaraw si Rama nga ipa-usab ang Charter sa siyudad aron kini mabalik sa pagdumala sa lalawigan sa Sugbo.

Ang gobernador sa iyang bahin nihangop sa tinguha ni Rama.

Siya nibutyag nga kini maoy gipangandoy sa iyang amahan nga si Kongresista Pablo Garcia sa 2nd district ug sa iyang igsuon nga si Kongresista Pablo John Garcia sa 3rd district.

Matud pa sa gobernador nga kon ubos sa pagdumala sa Probinsya ang siyudad sa Sugbo, dali ra unya ang paghatag og ayuda ug mas madali pa ang giplanuhan nga mga proyekto sa siyudad.

Gipasalig sa gobernador nga ang lalawigan sa Sugbo daghan og matabang sa siyudad ilabi na sa pagsulbad sa suliran sa peace and order, traffic congestion, drainage problem ug uban pa. (JFT)