HUMAN ang maka-shock nga pag-ambak sa aktor, Cesar Montano sa GMA-7, karon laing Kapamilya aktor ang gi-tsika nga mag-over the bakod na sab soon.

Sumala pa nga gipaabot na lamang ang pag-pirma og kontrata ni Edu Manzano sa Kapuso Network.

Si Edu, nga usa ka Kapamilya star ang mipahuway una sa showbiz dihang misulod kini sa pulitika ug nagpapili isip bide-presidente, tandem ni presidentiable Gibo Teodoro last May 2010.

Apan sad to say nga wala swerteha si Edu.

Una ng gibutyag sa actor-TV host nga bisan og modaug o mapildi siya sa piliay, biyaan na niya ang showbiz aron makapahuway.

Apan this time, nausab ang tanan.

Say pa nga kun walay aberya, maplantsa na ang tanan, mopirma na og kontrata si Edu sa Siyete.

Sumala pa nga siya ang posibleng ihulip kang Richard Gomez isip host sa Family Feud nga hapit na sab mag-ere sa Kapuso network.

Apan ang Siyete, pabilin nga hilum sa maong katikaran.

Di nila buot nga mohatag og komento labot sa sumala pa pag-ambak ni Edu sa pikas network.

Ang ila lamang giklaro mao nga mo-ere pag-usab ang Family Feud, apan di confirm kun si Goma ba gihapon ang host niini.

As we all know, usa ka effective host si Edu, diin siya ang mipasikat og bongga sa Pilipinas Game Ka Na Ba, usa ka afternoon game show sa Dos nga unang gigunitan ni Kris Aquino.

Kun mahinayon man ang pagbalhin ni Edu sa Siyete, siya pa gyud ang ibutang nga host sa Family Feud, ang pangutana, asa naman ibutang si Richard?

Don't tell me, mobalik na sab siya sa ABS-CBN? Nangutana lang.