PADAYONG nadepensaan ni Demecillo Singwangcha sa Iligan City ang iyang limpiyong baraha human niya tumbaha si Joash Aparicio sa Sajulga stable sa Cagayan de Oro City sa ilang non-title fight niadtong Sabado sa gabii sa Bonifacio Bacaltos Memorial Sports Complex sa lungsod sa Sibonga, Sugbo.
Usa ka wild left hook sa ikasiyam nga round maoy nagpupos sa maong panagsangka nga gidayandayan og duha ka headbutt nga maoy nakagisi sa ulong bahin ni Aparicio.
Sa kadaugan, mipausbaw sa iyang record ngadto sa 7-0-1, 5KOs).
Ang iyang manager nga si Naris Singwangcha sa Thailand mipahalipay pa gayud kaniya og $200.
Gipakaging sa bisitang si Alvin Maquiling sa Cagayan de Oro si Jestoni Pepito Singwangcha pinaagi sa unanimous decision.
Ang kanhi PABA Regional champion nga si Marvin Tampus sa Aljo Jaro Stable kinsa yanong mipatikuko ni Aljon Salugaol sulod lang sa 34 segundos.
Gi-TKO usabg ni Rex Tito Singwangcha si Jerome Bontog sa Phil. Aust sa ikaupat nga round. Nagtabla ang away nila ni Elmer Pono ug Jr. Salvador samtang midaog usab si Jerome Casas sa Leyte mikulit og majority decision nga kadaugan batok ni Jomar Torion.
Ang nahisgutang boxing promotion nga maoy isip usa sa mga kalihukan sa kapistahan gipasiugdahan sa Naris & Wakee Promotions ug sa Sibonga Local Govt. nga gipangulohan ni Mayor Lionel E. Bacaltos ug vice-mayor Rey Apuda.