KATABANG sa balay si Linda sa opisyal sa kapulisan nga si Noli. Gusto sa asawa ni Noli nga adto mopuyo sa quarters sa iyang bana aron duna kiniy katabang. Busa nituman lang sab si Linda sa iyang amo.

Busa niadtong Marso 20, 1999, niadto siya sa kampo nipuyo. Niadtong Mayo 2, 1999, sa mga alas 7 sa gabii, niadto sa silingan nga siyudad si Noli busa nag-inusara lang si Linda.

Updates on President Benigno Aquino III's presidency

Nigawas siya sa quarters ug nilingkod sa lingkuranan gawas sa quarters building sa mga opisyal. Si Peter, tigputol og mga sagbot sa kampo, niduol ug kaniya ug nangayog bugnaw nga tubig.

Nibalik si Linda sa sud aron pagkuhag tubig, apan kalit lang nisulod si Peter ug

gilayog siya. Nisiyagit siya og pakitabang apan gisampungan sa akusado ang iyang baba ug gipahimangnoan siya sa paghilom aron di siya patyon.

Gitukmod siya ngadto sa sawog nga semento ug nisukol siya pinaagi sa pagpatid ug pagduot unta kang Peter apan wa siya makapiog sa kusog sa lalake. Gikabay-an siya ni Peter ug gihuboan sa panty. Wa na siyay nahimo pa, gipasud gyud ni Peter ang iyang kinatawo hinungdan nga gibati og kasakit si Linda kay una pa kadtong higayon nga nahilabtan siyag usa ka lalake.

Wa mobiya si Peter human sa unang hugna. Iyang giapungan ang dalagita agig pahimulos sa higayon nga wa diha ang amo niini. Dihang niabot na sab ang iyang gana, subli niyang giangkon ang pagkababaye niini. Iyang gipahimangnoan ang biktima sa di pagsulti ni bisan kinsa aron di niya patyon.

Nianang Mayo 9, sa mga alas 8:30 sa buntag, nag-iusara lang siya sud sa quarters.

Human siya makapanghugas sa mga plato, nigawas siya sa quarters, apan iyang nakit-an si Peter sa gawas hinungdan nga nibalik siya sa sud ug nang-lock sa pultahan.

Pagkataudtaud, sa pagtuong nilakaw na ang akusado, iyang gibuksan ang pultahan apan nasayop siya kay diha ra diay si Peter sa gawas nag-atang. Nipugos pagsulod si Peter sa quarters. Niluhod siya samtang nagpakiluoy sa akusado nga di siya hilabtan. Apan ingon sa nabungol na si Peter tungod kay wa gyud kini malukmay.

Gipahigda siya ug gihuboan sa panty. Gipasud na sab sa akusado ang iyang kinatawo ug niundang lang kini pag-abot sa kinatumyan sa iyang gana. Gibauran siya ni Peter sa di pagsulti ni bisan kinsa aron di siya patyon.

Nabutyag lang ang tanan sa pag-abot sa iyang amo nga babaye nga maoy iyang gisultihan.

Nisulti ang iyang amo nga babaye sa iyang bana. Gipahiling siya sa doctor, apan base sa eksaminasyon, intact ang iyang hymen ug way timaan sa mga samad sa iyang kinatawo.

Ang akusado niingon nga nakagusto kaniya si Linda. Apan wa gyud siya matug sud sa kampo, gawas lang sa Enero 1999. Di sab siya makasud sa quarters tungod kay gidili kini kanilang mga sibilyan.

Ang barangay kapitan sab sa ilang dapit namahayag nga ang akusado buotan kaayo ug way criminal record.

Makombikto ba ang akusado ning kasong rape batok kaniya? Lisod man kay way igong ebedensya nga medical ang prosekusyon.

Hukom sa kasong pagpatay

Ang mga akusado gisilutan og reclusion perpetua sa kasong murder human mapalging nagtinabangay sa pagpatay kang Edison.