GISUSPENSO sa Philippine Airlines (PAL) ang ilang Cebu-Davao-Cebu flights sugod karong adlawa hangtod sa Nobiyembre 30, 2010 tungod sa kakuwang sa mga piloto.
Si Arnie Follosco, PAL control station manager sa Mactan Cebu International Airport, nagkanayon nga du-nay usa lang ka flight tali sa Cebu ug Davao ug ang kataposang flight mao ang 8:15 sa buntag kagahapon.
Sa kataposang flight, duna kini 114 ka mga pasahero sa kapasidad sa abyon nga 156 ug duha ka flight deck crew ug upat ka cabin crew.
Si Follosco nagkanayon nga wa pay opisyal nga pamahayag kon ang Cebu-Davao flight mahibalik sa Disyembre 1.
Nagkuwang ang mga piloto sa PAL tungod sa dinaghan nga pag-resign tungod sa problema sa labor apan nagpadayon karon ang negusasyon sa pagpatunga sa kagamhanan. (Gikan sa Sun.Star Cebu)