SO SCARY ang nahitabo sa amahan sa Pop Star Princess Sarah Geronimo.

Say pa nga si Delfin Geronimo, 55, amahan sa singer, giatake sa usa ka lalaki sa parking lot sa ABS-CBN compound sa Quezon City, Dominggo sa hapon.

Ang suspek nga si Paulino Mercado, 43, sumala pa nagpaka-aron-ingnon nga fan ni Sarah aron makasulod sa compound.

Say sa fadir ni Sarah nga nakadawat siya og tawag gikan sa mga security guards nga may agian siyang regalo alang sa iyang anak sa Basement 1. Ang maong regalo sumala pa gikan sa usa ka kompanya nga gi-endorse sa singer-actress.

Si Delfin gi-ubanan sa maong lalaki padung sa usa ka van nga may pekeng plaka nga WTA 741, diin may gipapirmahan kaniya nga dokumento.

"Pinapasok niya ako sa loob. Yong pagpasok niya medyo patulak ng konti nagkaroon na ako ng idea na medyo delikado. Sabi ko, ang dilim baka puwede sa labas na lang. Sinindihan yong ilaw, malabo yong ilaw," ni Delfin.

Sumala pa nga misuway siya paggawas sa sakyanan sa suspek apan pinugos siyang gitulak pasulod.

"Noong umupo na ako doon naramdaman ko ngayon parang kuryente. Nagwala na ako. Tinabig ko na siya. Hindi niya ako napuruhan. Nagtatakbo ako, nagsisigaw," pung sa amahan sa singer.

Ang suspek dali sab nga nasignit sa mga security guards ug gidala sa Quezon City Police Station.

Giangkon niini nga migamit siya og stun gun, apan midumili na kini sa paghatag og pahayag sa media.

"Natamaan ko po. Antayin ko na lang po ang abogado ko," pung sa suspetsado.

Ang father ni Sarah gidala sab sa ospital aron ma-check sa mga doktor.

Ang ABS-CBN management mihatag og katungod sa mga otoridad sa pag-imbestiga sa kaso.

"Ang suspect at ang kanyang ginamit na sasakyan pati na ang biktimang ama ni Sarah Geronimo ay nasa kustodiya na ng pulis para maimbestigahan ang mga pangyayari. Magre-release ang ABS-CBN ng official statement hinggil sa pangyayaring ito matapos makumpleto ang report ng pulisya," ni Bong Osorio, head sa ABS-CBN Corporate Communications.