NADENSAAN ni Ultimate Fighting Championship (UFC) middleweight king Anderson Silva ang iyang titulo batok sa challenger nga si Chael Sonnen sa UFC 117 kagahapon.

Si Silva, kinsa gianggaan og “The Spider,” midaog pinaagi sa submission (triangle choke) sa 3:10 sa Round 5.

Updates on President Benigno Aquino III's presidency

Ingon og sa matangtangan na gyud unta sa iyang middleweight title si Silva, matod pa sa UFC.com human dominado kaayo ni Sonnen ang unang upat ka rounds.

Apan ang iyang crucial nga triangle choke maoy nagselyo sa iyang kadaugan.

Si Silva naghupot na karon og 27 ka daog ug upat ka pildi samtang si Sonnen nahagsa sa 26-11-1 nga baraha.