MINYO na gyud si Krista Ranillo sa iyang non-showbiz boyfriend.

Si Krista gikasal sa jowa nga si Jeffreson Niño Lim, Island Pacific Supermarket CEO, niadtong Domingo.

Simple lamang ang kasal nga inspired sa Jewish-style ceremony didto sa Hotel Maya.

Gidili sab ang media nga maki-join sa selebrasyon.

Say pa nga gibutangan pa og pader ang lugar aron lamang masiguro nga private gyud ang seremonya.

Bisan ang pamilya ug mga bisita gidid-an nga mohatag og pahayag labot sa nahitabong kasalan.

Say sa tigpamaba sa magtiayon nga mas prefer nilang ihilum sab ang nahitabo, mohatag lamang siya og video, litrato sa media by the time nga ready na sila.

Newsmaker si Krista pipila ka bulan na ang nakalabay dihang nalambigit ang iyang ngalan kang pound-for-pound king Congressman Manny Pacquiao.

Una na sab nga gibutyag ni Pacman nga happy siya for Krista. "Masaya ako para sa kanya. Hindi pa naman [kami nag-uusap]. Masaya ako kung saan siya masaya," say sa boksidor.