KUN sila Mariel Rodriguez ug Robin Padilla super obvious na sa ilang love sa usag-usa, sweet na kaayo nga daw ginahulmigas na, well, angay silang makurat sa usa ka tsika nga nahagdaw nato sa worldwide web.

Sa pinoyparazzi.com makakurat ang napatik nga tsika didto diin say pa nga imbiyerna to the highest level ang ex-wife ni Robin nga si Liezel Sycangco kaniya.

Sumala pa nga super sad si Liezel tungod dili na ginatubag ni Robin ang iyang mga text messages.

Miapela ang kanhi asawa ni Binoe nga i-uli na niini ang ilang anak nga si Ali sa Australia. Si Ali ng anak ni Robin nga super-cute.

Gipatutsadahan sab ni Liezel ang kanhi asawa sa mga kapakyasan niini sa iyang responsibilidad sa iyang pamilya.

Say ni Liezel ginatudluan sumala pa ni Robin ang anak nga mahimong babaero, mangasawa og daghan.

Gitudlo nga sad-an sa tanan ni Liezel mao ang 'apple of the eye' sa iyang ex-husband karon nga si Mariel.

Niya, tungod kang Mariel busy na kaayo si Binoe, wala na niini maasikaso ang ilang anak nga si Ali.

Dugang sa mga intriga nga misugot lamang si Liezel nga ipadala si Ali kang Robin dinhi sa Pinas human misaad ang aktor nga di na kini mangasawa og usab.

Apan sa kalit lang, tungod na-inlove na sab si Binoe nausab gyud og bongga ang ilang plano.

Hangyo na lamang ni Liezel nga ibalik na ni Binoe ang ilang anak, aron di na kini mapasagdan pa, matudluan og dili maayong gawi.

So, mao na ba kini ang unang hagit nga atubangon sa new lovers karon?

Well, well, atong atangan. Init na sab ni nga hisgutanan huh.