MOKANTIDAD og P1.6 milyon sa mga tinanom nga marijuana ang gipang-ibot sa mga sakop sa Philippine Army's 402nd Brigade, 23rd Cadre Battalion uban ang 26th Infantry Battalion sakop sa 4th Infantry Division ning siyudad sa Cagayan de Oro.
Kauban sa pag-ibot mao ang Agusan del Sur Provincial Police Office ug Philippine Drug enforcement Agency (PDEA) gikan sa Region 13 sa 8,120 hills sa tanom nga marijuana niadtong Agusto 3, sa Sitio Tingkub, Barangay Kasapa II, La Paz, Agusan del Sur.
Ang nagtubo nga mga marijuana gibana-banang mohalin og P1.9 milyon base sa pagsusi sa Dangerous Drugs Board.
Nadiskubre ang plantasyon sa usa ka remote area tungod sa tabang sa tribung Manobo ug Cafgu Active Auxiliaries (CAA) ubos sa 23rd Infantry Batallion sa lugar.
Si Emiliano R Gupana II, Commander sa 402nd Brigade nga nakabase sa Prosperidad, Agusan del Sur niingon nga ang maong plantasyon usa sa panginabuhian sa mga NPA sa dapit.
"The marijuana plantation could possibly be one of the sources of financial support of the local terrorists or NPAs. They are resorting to all sorts of illegal activities just to sustain their so-called movement." ni Gupana.
Nagbilin lamang og 400 ka punoan ang PDEA alang sa imbestigasyon ug gipangsunog ang uban niini human gipakita sa gobernador sa Agusan labaw sa tanan nga dili na madala tungod sa kadaghan niini.
Sa iyang bahin ni MGen Mario F Chan AFP, Commander sa 4th ID mapasalamaton sa malampuson nga pagkapuhag sa planatasyon.
"The success of the operations against illegal drugs is part of our mission accomplishment as we go on with our primary duty of protecting the lives of the people." ni Chan uban sa pasalig nga padayong makigtambayayong sa laing ahensya aron padayon ang kahapsay ug kalinaw. (SVB)