Melindo di moatras batok sa Koreano

SA makausa pa, ipakita na usab ni WBC Youth Intercontinental Flyweight Champion Milan Melindo sa Philippines ang iyang inutok nga katakos sa boxing karong Agusto 28 sa Waterfront Cebu City Hotel ang Casino.

Usa sa upat ka main event fights nga giulohan og Philippines vs. The World, si Melindo makigsinumbagay sa usa ka Korean Flyweight champion Jin-Man Jeon.

Ang stylish nga fighter ubos sa Ala gym maoy usa sa pipila lang ka mga Filipino fighters nga nakahupot og tulo ka titulo sa managlahing divisions – ang WBO Asia Pacific minimumweight title, WBA Inter-continental Light fly ug karon ang WBC Youth Intercontinental title.

Sa niaging Abril nadepensaan ni Melindo ang iyang kasamtangang titulo pinaagi sa pag-knockout sa Thailander nga si Komrit Twins Gym didto sa Dubai.

Di pa man tuod sinati ang inawayan ni Jin-Man, apan iyang gipasalig nga malingaw gayud ang mananan-aw ning awaya sanglit di gyud kini niya atrasan.

“Bahala’g unsay iyang style, basta di gyud ko moatras ani,” padayag ni Melindo. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph