LAING mga marijuana ang gipang-ibot sa mga sakop sa Philippine Drug Enforcement Agency, Regional Office 10 (PDEA-10) uban ang Jasaan Police Station niadtong Huwebes mga alas 1:00 sa hapon sa Sitio Cagnayaan, Barangay Luz Banzon, Jasaan, Misamis Oriental.

Moabot ngadto sa 125 ka mga punoan ang gipang-ibot human usa ka confidential informant gikan sa maong dapit ang mitaho sa kapolisan sa Jasaan hinungdan nakig-coordinate usab ang kapolisan sa mga sakop sa PDEA.

Updates on President Benigno Aquino III's presidency

Isip nangulo sa pagpatuman sa balaod nga RA 9165 Comprehensive Dangerous Drugs Act of 2002, Si Regional Director, Lt Col Edwin F. Layese nag-verify sa maong taho ug nakumpirmang positibo nga adunay mga tinanom nga illegal nga druga.

Gipang-ibot ang mga marijuana niadtong Huwebes og kasamtangan nga gidala sa buhatan alang sa dugang imbestigasyon.

Wala usab masikop nga responsible sa pagpananom niini apan base sa source adunay nay pangalan ang suspek ug gihimo na ang operasyon pagsikop niini sa mga sakop sa PDEA. (SVB)